Астананың алдағы бес жылға арналған даму жоспары қабылданды
Бүгін өткен Астана мәслихатының кезекті отырысында елордамыздың 2026–2030 жылдарға арналған даму жоспары мақұлданды.
Астана әкімінің орынбасары Евгений Глотовтың айтуынша, бұл құжат — қаланың алдағы бес жылдағы дамуын айқындайтын маңызды стратегиялық жоспар.
Жоспарда үш негізгі басымдық белгіленген:
-
Бәсекеге қабілетті қала құру
– Инвестиция тарту
– Бизнеске қолайлы жағдай жасау
– Халықтың өмір сапасын арттыру -
Адам капиталының дамуы
– Білім беру сапасын көтеру
– Денсаулық сақтау жүйесін жақсарту
– Азаматтардың кәсіби өсуіне қолдау көрсету -
Жайлы қалалық орта қалыптастыру
– Экологияны жақсарту
– Қауіпсіз әрі қолайлы инфрақұрылым құру
– Қалалық сервистерді бір экожүйеге біріктіру
Евгений Глотов 2030 жылға дейінгі жоспарланған негізгі көрсеткіштерді де атады:
-
Өңірлік жалпы өнімді екі есеге арттыру, жалпы көлемін 30 трлн теңгеге жеткізу;
-
Инвестиция көлемін жыл сайын 1 трлн теңгеге өсіріп, 2030 жылға қарай жалпы 26,3 трлн теңгеге жеткізу;
-
Өңдеу өнеркәсібі экспортын кемінде 28,6 млрд долларға дейін көбейту;
-
Туристер санын 2,8 млн адамға дейін жеткізу, жыл сайынғы өсім кем дегенде 5% болуы тиіс.
Сонымен қатар жоспарға еңбек өнімділігін арттыру, ШОБ-ты дамыту, инновацияларды енгізу бағыттары кіреді.
Білім беру саласында:
– мектептердің жайлылығын халықаралық стандарттарға жеткізу,
– жаңа мектептер салу,
– үш ауысымды оқытудан толық бас тарту жоспарланған.
Денсаулық сақтауда:
– медициналық мекемелер санын арттыру,
– жаңа инновациялық емдеу тәсілдерін енгізу көзделген.
Әлеуметтік қорғау саласында:
– әлеуметтік қызметтердің сапасын арттыру,
– инклюзивті орта қалыптастыруға басымдық беріледі.
Қаланың жайлы ортасын дамыту бағытында:
– көлік жүйесін жақсарту,
– энергетика және коммуналдық желілердің қуатын арттыру,
– экологиялық жағдайды жақсарту,
– цифрлық шешімдер арқылы қаланы тиімді басқару қарастырылған.
Бұл жоспар елорданың тұрақты дамуына, халықтың өмір сапасын жақсартуға және Астананы нағыз заманауи, инновациялық мегаполиске айналдыруға бағытталған.
