Құрылтай сайлауы қашан өтетіні белгілі болды

Қазақстанның жаңа Парламенті – Құрылтайға сайлау тамыз айында өтеді, деп хабарлайды NewsMedia.kz.

Бұл туралы Қасым-Жомарт Тоқаев бүгін Астанада ғалымдарды марапаттау рәсімінде мәлімдеді.

Мемлекет басшысы ретінде еліміз үшін елеулі оқиғалар туралы алдын ала ақпарат беру өте маңызды деп санаймын. Конституция күшіне енген сәттен бастап бір палаталы Құрылтай сайлауын өткізу жөніндегі Жарлыққа қол қоямын. Сайлау биыл тамыз айында өтеді. Мұны әдейі ерте айтып отырмын, – деді Президент.

Тоқаевтың айтуынша, партиялардың жоспарларын айқындап, сайлау науқанына дайындық жүргізуіне жеткілікті уақыты болуы керек. Осылайша, партиялардың сайлаушылармен тиісті жұмыс жүргізуіне бес айға жуық уақыт беріледі.

Құрылтай сайлауы Қазақстанның бүкіл саяси жүйесін жаппай “қайта құруға” жол ашады. Бұл ретте біз жүзеге асырып жатқан саяси және экономикалық реформалар қоғамдық сананың оң сипатта өзгеруіне әсер етуге тиіс. Мен мұның маңызы жөнінде бірнеше рет айттым, – деді Президент.

Фото: Ақорда