2026 жылы жол ережесін бұзғаны үшін айыппұл мөлшері қанша болады?

2026 жылы жол ережесін бұзғаны үшін айыппұл мөлшері қанша болады?

2026 жылы Қазақстанда жол қозғалысы ережесін бұзғаны үшін салынатын айыппұл көлемі ұлғаяды. Бұл айыппұлдардың өсуі айлық есептік көрсеткіштің (АЕК) өзгеруіне байланысты. Келесі жылы 1 АЕК мөлшері 4 325 теңге болып бекітілген.

Айыппұлдар Қазақстан Республикасының Әкімшілік құқықбұзушылық туралы кодексінде АЕК арқылы есептелетіндіктен, көрсеткіштің өсуі жол ережесін бұзғаны үшін төленетін сомалардың да автоматты түрде қымбаттауына әкеледі .

Жылдамдықты асырғаны үшін айыппұлдар

2026 жылы жылдамдық режимін бұзған жүргізушілер төмендегідей айыппұл төлейді:

• 10–20 км/сағ асырса – 5 АЕК (21 625 теңге)

• 20–40 км/сағ – 10 АЕК (43 250 теңге)

• 40–60 км/сағ – 20 АЕК (86 500 теңге)

• 60 км/сағ және одан жоғары – 40 АЕК (173 000 теңге)

Ең жиі кездесетін басқа да бұзушылықтар

• Қауіпсіздік белдігін тақпау немесе телефонмен сөйлесу – 5 АЕК (21 625 теңге)

• Көлікті тоқтату немесе тұрақ ережесін бұзу – 5 АЕК (21 625 теңге)

• Бағдаршамның қызыл түсіне өту – 10 АЕК (43 250 теңге)

• Жаяу жүргіншілердің жол ережесін бұзуы – 2 АЕК (8 650 теңге)

Сондай-ақ жүргізуші куәлігінсіз немесе міндетті сақтандырусыз көлік басқарғандар да бірнеше АЕК көлемінде айыппұл арқалайды. Қайталанған немесе ауыр құқықбұзушылықтар кезінде айыппұл сомасы еселенуі мүмкін.