Украина қауіпсіздік қызметі Нұрлан Сабуровқа қатысты қылмыстық іс қозғады
Іс Украина Қылмыстық кодексінің 111-2-бабы 1-бөлігі – «Агрессор мемлекетке жәрдемдесу» бойынша қаралып жатыр
14.02.2026
159
Украина қауіпсіздік қызметі (СБУ) қазақстандық стендап-комик Нұрлан Сабуровқа қатысты қылмыстық іс қозғады. Бұл туралы оның адвокаты Евгений Пронин мәлімдеді, деп хабарлайды NewsMedia.kz.
Адвокаттың айтуынша, СБУ Сабуровқа қатысты ықтимал құқықбұзушылық туралы мәліметтерді Украинадағы сотқа дейінгі тергеулердің бірыңғай тізіліміне енгізіп, тергеу жұмыстарын бастаған. Іс Украина Қылмыстық кодексінің 111-2-бабы 1-бөлігі – «Агрессор мемлекетке жәрдемдесу» бойынша қаралып жатыр.
Прониннің сөзінше, тергеу барысында Сабуровтың Ресей қарулы құрамаларына материалдық ресурстар дайындап беруі мүмкін деген күдік тексерілуде. Бұл жайттар ресми тергеу кезінде анықталуы тиіс.
