Қазақстанның жаңа Конституциясының жобасы жарияланды
Комиссия Конституцияның барлық бөлімі бойынша түзетулерді қарады
Конституциялық реформалар жөніндегі комиссия Қазақстан Республикасының жаңа Конституциясының жобасын жариялады, деп хабарлайды NewsMedia.kz.
ОҚИ ОТЫРЫҢЫЗ: Конституция жобасында талқылауды қажет ететін тұжырымдар кездеседі – Нұрлан Көптілеуов
2025 жылғы 8 қазанда парламенттік реформаны іске асыру жөніндегі жұмыс тобы құрылған. Азаматтар ұсыныстарын e-Otinish және eGov порталдары арқылы жолдаған. Жұмыс тобы екі мыңнан астам ұсынысты қараған.
2026 жылғы 21 қаңтарда Конституциялық комиссия құрылды. Құрамында 130 адам бар. Комиссия төрағасы – Конституциялық сот төрағасы Эльвира Азимова. Төраға орынбасарлары – Ерлан Қарин және Аида Балаева.
Комиссия Конституцияның барлық бөлімі бойынша түзетулерді қарады. Өзгерістер 77 бапқа қатысты.
Жобаға енгізілген негізгі өзгерістер:
• 145 депутаттан тұратын бір палаталы Парламент – Құрылтай құру ұсынылады. Депутаттар пропорционалды жүйе бойынша 5 жылға сайланады.
• Қазақстанның Халық кеңесін құру ұсынылған.
• Вице-президент лауазымын енгізу көзделген.
• Адвокатура туралы жеке конституциялық норма енгізіледі.
• Зияткерлік меншік құқығын қорғау бекітіледі.
• Кінәсіздік презумпциясы және қайта жауапқа тартуға тыйым салу нормалары күшейтіледі.
• «Миранда ережесін» енгізу қарастырылған.
• Азаматтардың құқықтарын цифрлық ортада қорғау туралы норма енгізіледі.
• Неке ер адам мен әйелдің одағы ретінде айқындалады.
• Білім беру жүйесінің зайырлы сипаты бекітіледі.
Жаңа редакцияда Конституция Преамбуладан, 11 бөлімнен және 95 баптан тұруы ұсынылған.
Ұсыныстар қабылдау e-Otinish және eGov порталдарында жалғасып жатыр. Жаңа Конституция бойынша шешім жалпыұлттық референдумда қабылданады.
Фото: gov.kz
