Досұлан Айтбаев: Жаңа Конституция – елдің одан әрі дамуының негізі

Егер жаңа Конституция жобасын мұқият зерделесек, мынадай нық қорытынды жасауға болады: ұсынылып отырған құқықтық жаңалықтар тұрғысынан жоба анағұрлым мықты әрі дұрыс, сондай-ақ мемлекеттің және адамның рөліне қатысты неғұрлым кемел көзқарасты көрсетеді.

Бұл туралы Ақмола облысы әкімінің орынбасары Досұлан Айтбаев өзінің facebook-парақшасында жазды, деп хабарлайды NewsMedia.kz.

Ең алдымен, жаңа мәтінде адамға бағдарланған логика жүйелі түрде жүргізілген. Адамның құқықтары мен бостандықтары бүкіл конституциялық координаттар жүйесінің негізіне айналады. Бұл мемлекеттік басқару тәжірибесіне, әлеуметтік саясатқа, шешім қабылдау тәсілдеріне тікелей әсер етеді. Мемлекеттік органдар үшін бұл азаматтар алдындағы жауапкершіліктің неғұрлым жоғары стандарты дегенді білдіреді.

Екінші маңызды мәселе – дамудың гуманитарлық векторы. Конституция білім беру, ғылым, мәдениет және инновациялардың басымдығын бекітеді. Мұндай көзқарас ел дамуының ұзақ мерзімді көрінісін қалыптастырады, мұнда негізгі ресурс ретінде адами капитал, білім және қоғамның шығармашылық әлеуеті айқындалады, – деді ол.

Досұлан Ерланұлы жаңа Конституция адамға бағдарланған, неғұрлым айқын мемлекеттік модельді қалыптастыратынын айтты.

Жаңа мәтіннің құндылықтық тұтастығын да бөле-жара атап өткім келеді. Ұлттық бірегейлік, қоғамның бірлігі және қоғамдық келісім нақты конституциялық рәсімделуге ие болды.

Саяси архитектураның жаңаруы да елеулі мәнге ие. Қатысудың жаңа форматтары қоғамдық диалог мүмкіндіктерін кеңейтіп, өкілділікті күшейтеді. Бұл кері байланыстың сапасын арттырып, саяси жүйені анағұрлым орнықты етеді.

Жалпы алғанда, жаңа Конституция адамға бағдарланған, неғұрлым айқын мемлекеттік модельді қалыптастыратынын сеніммен айтуға болады. Дәл осы идея тұрғысынан ұсынылған жоба алға жасалған қадам әрі елдің одан әрі дамуының негізі болып табылады, – деп жазды Ақмола облысы әкімінің орынбасары.

Фото: facebook.com